Msanii Radio Wa Uganda Afariki Dunia, Kifo Chake Chagubikwa na Utata

Mwanamuziki staa kutoka nchini Uganda Moses Sekibooga a.k.a Mozey au maarufu zaidi kama Radio kutoka katika kundi la Radio & Weasel  amefariki dunia asubuhi ya Leo nchini humo.

Radio alikuwa amelazwa hospitali ya Case ambapo alikuwa kwenye comma kwa kipindi alichopelekwa hospitalini hapo hapo. Marehemu alikuwa amelazwa kwa takribani wiki mbili sasa.

Mpaka mauti inamfika marehemu asubuhi hii bado kumeendelea kuwa na utata juu ya kifo chake kwani alilazwa hospitalini hapo baada ya kuvunjika fuvu la kichwa na uti wa mgongo baada ya kuanguka na kuumia.

Habari zinasema utata katika kifo chake upo pale ambapo inasemekana alikuwa katika ugomvi na mlinzi wa ukumbi wa starehe nchini humo baada ya mabishano ya muda inasemekana marehemu alianguka na kupata majeraha hayo yaliyo mweka kwenye comma.

Mwenyezi Mungu Azidi kuiweka Roho ya marehemu mahala pema peponi, Bwana ametoa bwana ametwaa jina lake lihimidiwe.