Wastara Amedai Michango Anayopewa na Wananchi Inaibiwa

Muigizaji wa Bongo movie Wastara Juma maarufu kama Wastara Sajuki amefunguka na kudai kuwa michango aliyokuwa anachangiwa na wasamaria wema inaibiwa.

Wastara aliiomba jamii ya Watanzania wamsaidie kupata pesa ambayo itamsaidia kwenda kutibiwa mguu wake ambao umekuwa ukimsumbua kwa muda mrefu, Wastara pia aliiomba serikali imsaidie kupata matibabu zaidi kwani amedai maumivu makubwa zaidi aliyapata wakati wa kampeni.

Wastara alianza kusumbuliwa na mguu miaka kadhaa iliyopita baada ya kupata ajali ya gari iliyopelekea kukatwa mguu mmoja na hivyo kupelekea ukilema wa mguu mmoja. Lakini baada ya kuwa mlemavu Wastara alidai kuwa mguu ule uliokatwa na ambao mzima yote kwa mpigo ikaanza kumsumbua.

Baada ya kuomba msaada huo kupitia mitandao ya kijamii na vyombo vya habari Wastara alianza kupata michango kutoka kwa watu mbali mbali lakini kwenye mahojiano na Global publishers Wastara amedai kuwa amekuwa akidhulumiwa pesa zake bila kuelewa zinaenda wapi:

Inavyoonekana kuna pesa zangu nyingi Sana zimeibiwa tangu nimetangaza kuomba msaada, kwani kuna kipindi hapo kati pesa ziliingia sana kisha zikakata nilikaa kama siku tisa hazikuingia watu wakawa wananiambia wametuma. Nilipoenda Tigo wakaniambia kuna jam kubwa sana na pesa kule wakiziangalia wanaziona nyingi sana lakini kwenye laini yangu sioni kitu ikabidi niwaambie wanisaidie na waliniambia kwa siku nilikuwa napokea milioni tatu lakini cha ajabu kwangu salio naona laki mbili na nusu tu kwaiyo hapo kuna kitu kabisa Kama sio wajanja wa mjini wameshahack sijui”

Lakini pia Wastara amesema kuwa anasikitishwa na watu Wanaosema yeye kageuza michango ya watu mtaji kwani sio kweli na mguu wake umekuwa ukimsumbua kwa muda mrefu sasa.