Nilikaa Kimya Kumpisha Nandy Ili Nisifananishwe Naye – Ruby

Mwanamuziki wa Bongo fleva ambaye anajulikana kwa kuwa mkali wa vocal Ruby amefunguka na kusema sababu iliyomfanya akae kimya kwa kipindi kirefu ni kumpisha msanii mwenzake Nandy ili asifananishwe naye.

Ruby ambaye alitamba sana na wimbo wake wa ‘Na yule’ alikuwa kimya kwa mwaka 2017 mzima bila kutoa nyimbo zozote hali iliyopelekea mashabiki zake kumkumbuka na hadi wengine kudhani kuwa kaamua kuachana na muziki.

Ruby alikuwa msanii kutoka nyumba ya vipaji THT lakini kutoka huko huko THT kuna msanii mwingine anayeitwa Nandy baada ya Nandy kutoa nyimbo yake na kupata umaarufu mashabiki zao walianza kuwafananisha Nandy na Ruby na kudai kuwa sauti zao zinaendana.

Kwenye interview aliyofanya na Planet Bongo ya East Africa Radio, Ruby amefungukuka na kudai like kitendo cha kufananishwa na Ruby hakikumfurahisha hivyo akaamua kupumzika muziki ili amuachie nafasi msanii mwenzake:

Nilikaa kimya kwa muda mrefu kwa sababu katika kipindi kile kulikuwa kuna kama kushindanishwa fulani na Nandy kwa sababu siku zote mimi najishindanisha mwenyewe na siongei kwa ubaya nampenda Nandy anafanya muziki mzuri lakini niliona tu ngoja nimpe nafasi afanye anachofanya kuwaonyesha watu yeye kama msanii mpya ambaye ndio alikuwa anatoka na kwa kuwa wote tulikuwa wasanii wa THT tulikuwa na ufanani Fulani katika mziki tuliokuwa tunafanya”.

Ruby ameuanza mwaka huu mpya na wimbo wake mpya unaojulikana kama ‘Are you ready’ lakini pia tangu amerudi amepata mapokezi mazuri toka kwa mashabiki zake.